BOLUNTARIOTZA

ABEGI

Abegi elkarteak, kalean bizi diren pertsonen babeserako helburu duten funtzio horretan ere, gure ikasleek beraien ekarpena egin dezakete boluntariotzaren bitartez.

Abegik  Tolosan duen egoitza gauetan irekitzen da; kalean bizi den jendea bertan afaldu, gaua pasa eta gosaltzeko aukera du, baina honez gain, bertan dauden profesional eta boluntarioekin harreman atseginak sortzeko tokia da.

Boluntarioek duten papera oso garratzitsua da honetan ere, denok bait dugu egoera latz batetan muxutruk pertsona atseginekin egoteko desio eta beharra.

ATZEGI BABES FUNDAZIOA

ATZEGI BABES FUNDAZIOAK adimen desgaitasuna duten pertsonekin eta babes juridikorik eman diezaioeken senitartekorik ez duten pertsonekin lan egiten du. Gure ikasleek, pertsona hauen bizitza kalitatea hobetzen lagundu dezakete tutelapean dauden pertsonekin laguntasun harreman bat sortuz.

Gizartearen partaide izaten, gaitasunak garatzen eta ondo sentitzen laguntzen dute boluntario hauek. Eta honez gain…

  • Giizarte justuagoa eta solidarioagoa eraikitzen dute.
  • Ezgaitasuna duten pertsonen gaitasunak azaltzen dituzte.
  • Gizartea kontzientziatzen dute.
  • Aurreiritziak ezabatzen dituzte.
  • Solidaritatea eta parte-hartzea bezalako balioak sustatzen dituzte.

Atzegi Babes Fundazioa eta hau osatzen duen familiarentzat, boluntarioak oso garrantzitsuak dira.

CEAR

CEAR-Euskadi erakundeak errefuxiatuen, aberrigabeen eta migratzaileen eskubideak defendatzen ditu.

Xede diren pertsonei laguntzeko hainbat baliabide daude eta horien artean 0 fasea “Lehen harrera” izeneko aterpea dago Tolosan.

Bertara iristen diren pertsonak ez dute beharrezko baliabiderik bizirauteko, beraz helburua pertsona hauen oinarrizko beharrizanak asebetzea da.

Boluntariotza honen helburua aipatutako aterpetxean bizitzen ari diren pertsona eta ikasleen artean banan banako topaketak sortzea eta aldi berean hizkuntza sustatzea litzake.

ESKOLA BABESA

ESKOLA KIROL-EGOKITUA

Gipuzkoako Kirol Egokituen Federazioak antolatutako  jarduera fisiko eta kirol aniztasuna jorratzeko programa batean parte hartzeko aukera dute arretako eta gizarteratzeko ikasleek

Eskola orduetatik kanpo beraien ikastetxeetan kirola egiteko aukerarik ez daukaten neska-mutilentzat antolatutako programa da, eta saioak eskualde desberdinetako kiroldegi, ikastetxe eta igerilekuetan eraman dira aurrera.

ATZEGI

Gure ikasleek adimen desgaitasuna duten pertsonekin aisialdi eta opor ekintzak egiteko aukera dute Atzegik eskeintzen duen programa desberdinetan parte hartuz.

Adimen desgaitasuna duten 16 urtetik gorako pertsonentzako aisialdi eta denbora libreko ekintza ugaritan parte har dezakete gure ikasleek boluntariotza egiten; txolarte klubetan, kirol ekintztan, opor bidaietan, kultura saiotan…

Ederki pasatzeko aukera paregabea!

GIZARTEARI BEGIRA

BIZILAGUNAK

Bertako familia eta pertsonak atzerritik etorritakoekin bazkari batean biltzen dituen egitasmoa da.

Beste urte batez ere gure ikasleak dinamizatzaile moduan aritu dira.

BOTILZAHARRA

Gazteei zuzendutako prebentzio programa ibiltaria

Gazte eta nerabeen alkoholaren kontsumoa murriztea du helburu.

Bide batez kontsumo horrek sor ditzakeen arriskuen inguruan informatzea eta kontzientziatzea ere.

Gure ikastolako adin nagusiko ikasleak parte-hartzen dute egitasmo honetan boluntario gisa kilometroetan eta inauterietan.

GABONETAN ABESTEN

Urtero bezala, aurten ere Eguberrietan, Tolosako Inmakulada ikastolako irakasle eta ikasleak,
Tolosako Uzturre eta Iurreamendi Egoitzetara eta Ibarrako Garagunera hurbilduko gara kantuan.

 

MUGI TOLOSA

Ibiltzeak duen garrantzia, bizitza osasuntsu bat edukitzeko eta harreman sozialak sustatzeko.

Ikastolako ikasleak parte-hartzen dute asteazkenero

 

ODOL-EMAILEAK

Kontzientzia hartuz odola emateak duen garrantziaz, eta parte hartzera bultzatuz.

SAHARA

IKASKETA ZERBITZUAK

Eremu biosanitarioan 3D BIOMODELOAK EZARTZEN

Diagnosi-irudiko goi-mailako zikloko ikasleek aurrera emango duten ikasketa zerbitzua da.

Diagnostikorako irudi-tekniken artean 3D inprimaketa sistematizatzea lortu nahi da, hezkuntza-profila eta ospitale-eraginkortasuna hobetzeko eta baliabide sanitarioak eta profesionalak optimizatzeko.

AGENDA-21

COVID-19 ETA NERABEEN OSASUN MENTALA

Tolosako Inmakulada Lanbide IkastolaK (TILI) eta EASO politeknikoak martxan jarri dute zuzenki nerabeen ongizatean inpaktua eduki dezaken proiektua. Erdi eta goi mailako ziklo desberdinetako ikasle eta irakasleen artean ekipoak sortu eta lanean hasi dira COVID-19ak osasun mentalean agerian utzi duen beharrari aurre egiteko.

Proiektu honen iraupena bi urtekoa izango da eta nerabeen osasun mentala hobetu edota asaldurak prebenitzeko nahietik jaio da. Bi urte hauetan, ondorengo helburuei eutsi nahi zaie: lehenik, nerabe eta gazteek erronken edo ezbeharren aurrean egokitzeko duten gaitasuna hobetuko duen programa bat diseinatzea, osasun mentalari eutsi edota hobetzeko. Bigarrenik, nerabe eta gazteentzat sozializazio-espazioak sortu eta errealidade birtuala osasun mentalen asalduren prebentzioan eta esku-hartzean izan dezaken aplikagarritasuna ikertu nahi da.

GARAGUNE

Ikasketa Zerbitzu hau, Ibarrako Garagunearen eta Arreta eta Gizarteratzeko ikasleen arteko  elkar-laguntzan oinarritzen da.

Garaguneko erabiltzaileen laguntza  beharrei (apoioak)  erantzuten diet eta  gure ikasleek esperientzia ezberdinak bizitzeko aukera zuzena dute.

Aurtengo  ikasturtean, Covid19aren zailtasunen aurrean ikasketa zerbitzu honekin ere aurrera egingo dugu !!

PANPIN SOLIDARIOA

Farmazia-Teknikariak zikloko ikasleek Ospital Donostiako haurrentzat panpin solidarioak egingo dituzte AEG Berrikuntza Profesionalen eskolarekin batera. Panpin solidarioarentzat lurrun-flaskoa  egingo dute gure ikasleek.

 

SOROTSI NAHI?

Sorotsi nahi  Ikasketa Zerbitzuan , Lehen Sorospenetako ikastaroak eskaintzen ditugu Tolosaldeko ikasle edo/eta irakasleentzat. Formazio saio hauek Tolosako Inmakulada Lanbide ikastolako ikasleak sortutakoa dira

2017an hasi zuen bere ibilbide ikasketa zerbitzu honek eta orduz geroztik Anoetako , Irurako, Uzturpeko eta Laskoraingo ikastoletan  eta Tolosaldea Lanbide Heziketa ikastetxean izan gara

Aurten, Covid-19 eraginez, ikasketa zerbitzu hau Uzturpe ikastolan online formatuan eskainiko dugu

 

IKASTOLAKO BALIOAK LANTZEKO EKINTZAK

IKASTOLAKO BALIOAK LANTZEKO